ڈی جی آئی ایس پی آر‏ کا پنجاب یونیورسٹی لاہور کا دورہ

ڈی جی آئی ایس پی آر لیفٹیننٹ جنرل احمد شریف چوہدری نے پنجاب یونیورسٹی لاہور کا دورہ کیا، آمد پر طلباء اور انتظامیہ نے ان کا پرتپاک استقبال کیا۔

ڈی جی آئی ایس پی آر نے طلبہ و طالبات سے خصوصی نشست کی اور ان کے سوالات کے جوابات دیے۔ طلباء نے مادر وطن کے دفاع میں پاک فوج کے شانہ بشانہ کھڑے ہونے کا بھرپور عزم ظاہر کیا۔

لیفٹیننٹ جنرل احمد شریف چوہدری نے وائس چانسلر پروفیسر ڈاکٹر محمد اور فیکلٹی ممبران سے بھی ملاقات کی۔ طلبہ اور فیکلٹی ممبران نے بھارت کو شکست دینے پر پاک فوج کو خراجِ تحسین پیش کیا۔

شرکاء کا کہنا تھا کہ وطنِ عزیز کے دفاع کے لیے اساتذہ اور طلباء ہر وقت پاک فوج کے ساتھ کھڑے ہیں۔ ڈی جی آئی ایس پی آر کے باوقار اور مدلل جوابات نہایت خوش آئند اور حوصلہ افزا تھے۔

شرکاء کے مطابق پاک فوج کے خلاف منفی پروپیگنڈے کے باعث پائے جانے والے ابہام اور شکوک و شبہات دور ہوگئے ہیں۔ ڈی جی آئی ایس پی آر سے گفتگو میں ڈس انفارمیشن اور فیک نیوز کے بارے میں آگاہی ملی۔

شرکاء نے کہا کہ نوجوانوں میں غلط فہمیوں کے تدارک کے لیے اس طرح کے سیشن انتہائی ضروری ہیں۔