پاکستان کی فارما انڈسٹری میں اصلاحات اور مقامی پیداوار کی عالمی مارکیٹ میں پیش قدمی

 ایس آئی ایف سی کے تعاون سے فارما انڈسٹری اور سرمایہ کاری میں ترقی کی راہیں ہموار ہو رہی ہیں۔

وزیر صحت نے فارما انڈسٹری کے لیے آئندہ پانچ سالوں میں 30 ارب ڈالر کی برآمدات کا ہدف مقرر کر دیا ہے۔ فارما انڈسٹری میں گذشتہ سال کی نسبت 35 فیصد اضافہ ہوا اور اس کے نتیجے میں امسال 500 ملین ڈالر کی برآمدات ہوئیں۔

فارما انڈسٹری عالمی مارکیٹ میں داخلے کے لیے ڈیجیٹلائزیشن اور ٹیکنالوجی کی منتقلی کی طرف گامزن ہے۔ ایس آئی ایف سی کی غیر جانبدار حکمت عملی کی بدولت فارما مصنوعات کی منظوری کا عمل چند ہفتوں میں مکمل ہو سکے گا۔

اسی دوران کنگ حماد انسٹی ٹیوٹ آف نرسنگ کا قیام پاکستان اور بحرین کے تعلقات میں ایک نیا سنگ میل ثابت ہوا ہے۔ پاکستان اس وقت 90 فیصد ادویات مقامی طور پر تیار کر رہا ہے اور اس میں مزید اضافہ متوقع ہے۔

ڈرگ ریگولیٹری اتھارٹی آف پاکستان عالمی معیار کے مطابق فارما صنعت کی ترقی کے لیے جدید اصلاحات کر رہی ہے۔