کرک میں جہنم واصل کیے گئے خوارج کی فوٹیج منظر عام پر آگئی

کرک کے علاقے درشہ خیل میں کامیاب انٹیلیجنس بیسڈ آپریشن میں جہنم واصل کئے گئے خوارج کی ویڈیو منظر عام پر آگئی۔

سیکیورٹی فورسز کے درشہ خیل میں کیے گئے آپریشن میں بھارتی اسپانسرڈ 17خوارج دہشت گرد ہلاک ہوئے۔

آپریشن کے دوران سیکیورٹی فورسز نے انتہائی پیشہ ورانہ مہارت سے دہشت گردوں کے ٹھکانے کو نشانہ بنایا۔

سیکیورٹی ذرائع کے مطابق ویڈیو فوٹیج میں دیکھا جاسکتا ہے کہ فتنہ الخوارج کے دہشت گرد غار کی جانب بھاگ رہے ہیں، ویڈیو میں واضح طور پر دہشت گرد دکھائی دے رہے ہیں جنھیں جہنم واصل کیا گیا ہے۔

سیکیورٹی ذرائع کے مطابطق کرک میں یہ آپریشن فتنہ الخوارج کے ملا نذیر گروپ کے خوارجین کی موجودگی کی اطلاعات پر کیا گیا۔

اس آپریشن میں 7 سے 10 خوارجین کے زخمی ہونے کی بھی اطلاعات ہیں جب کہ جہنم واصل کیے گئے فتنہ الخوارج کے دہشت گرد مختلف دہشت گردانہ کارروائیوں میں ملوث تھے۔

پاک فوج اور سیکیورٹی ادارے دہشت گردی کے ناسور کو ختم کرنے کیلئے پرعزم ہیں۔