چیئرمین پی سی بی محسن نقوی کا نریندر مودی کے ٹوئٹ پر کرارا جواب

چیئرمین پی سی بی محسن نقوی نے بھارتی وزیراعظم نریندر مودی کے ٹوئٹ پر کرارا جواب دیتے ہوئے کہا کہ تاریخ پہلے ہی پاکستان کے ہاتھوں تمہاری ذلت آمیز شکست محفوظ کرچکی ہے۔

انہوں نے کہا کہ کوئی کرکٹ میچ اس اٹل حقیقت کو مٹا نہیں سکتا۔

ان کا کہنا تھا کہ کھیل میں جنگ کو گھسیٹنا تمہاری بے بسی کو عیاں کرتا ہے، بھارت نے کھیل کی اصل روح کو داغدار کیا ہے۔

چیئرمین پی سی بی نے مزید کہا کہ بھارتی وزیراعظم کو جنگ میں پاکستان کے ہاتھوں عبرتناک شکست کا درد آج بھی نہیں بھولا۔