شہرِ قائد میں سمندری ہوائیں بند، حبس کی کیفیت برقرار

کراچی میں دن کا آغاز شدید گرم موسم کے ساتھ ہوا ہے۔

محکمہ موسمیات کے مطابق شہر میں سمندری ہوائیں بند ہیں جس کے باعث حبس کی کیفیت برقرار ہے۔

محکمہ موسمیات نے بتایا کہ آج دن بھر سمندری ہوائیں بند رہنے کا امکان ہے جبکہ اس وقت شہر کا درجہ حرارت 27 ڈگری سینٹی گریڈ ریکارڈ کیا گیا ہے۔

محکمہ موسمیات نے کہا کہ گرمی کی شدت 34 ڈگری سینٹی گریڈ تک محسوس کی جائے گی جبکہ زیادہ سے زیادہ درجہ حرارت 37 ڈگری سینٹی گریڈ تک جا سکتا ہے، شمال مغرب کی سمت سے 6 کلو میٹر فی گھنٹہ کی رفتار سے ہوائیں چل رہی ہیں۔

محکمہ موسمیات کا کہنا ہے کہ 30 ستمبر کو دوپہر یا شام کے وقت ہلکی سے درمیانے درجے کی بارش متوقع ہے، تاہم بارش کے اسپیل کے زیرِ اثر آج گرم اور انتہائی مرطوب دن رہے گا۔