جوائنٹ عوامی ایکشن کمیٹی کا احتجاج کی ناکامی پر پرتشدد چہرہ بے نقاب

آزاد کشمیر کی عوام نے عوامی ایکشن کمیٹی کا احتجاج مسترد کر دیا جبکہ احتجاج کی ناکامی پر عوامی ایکشن کمیٹی کے شر پسندوں نے پُر امن شہریوں کو تشدد کا نشانہ بنایا۔

ذرائع کے مطابق جوائنٹ عوامی ایکشن کمیٹی کے پُر تشدد احتجاج کے دوران متعدد شہری زخمی ہوئے جبکہ ہڑتال کی ناکامی کی وجہ سے شر پسند عناصر نے پرتشدد کارروائیاں شروع کردیں۔

ذرائع نے مزید بتایا کہ مسلح شرپسند عناصر نے پرامن احتجاج کے نام پراسلحے کا استعمال بھی کیا جبکہ زخمیوں کو ابتدائی طبی امداد کے بعد ہسپتال منتقل کردیا گیا۔

ذرائع کے مطابق پرتشدد کاروائیوں میں ملوث شر پسندوں کو قانونی عمل کے زریعے انصاف کے کٹہرے میں لایا جائے گا۔