گاڑی مالکان کیلئے پریشان کن خبر آگئی؛ حکومت کا اہم فیصلہ

سموگ کی روک تھام کے لیے سی ٹی او لاہور ڈاکٹر طہ روحید نے دھواں چھوڑتی گاڑیوں کے خلاف بڑے پیمانے پر کریک ڈاؤن کا حکم دے دیا ہے۔

 سی ٹی او لاہور کی جانب سے دی گئی ہدایات کے مطابق یکم اکتوبر سے بغیر فٹنس سرٹیفکیٹ کی ہیوی گاڑیاں شہر میں داخل نہیں ہو سکیں گی، اور موٹروہیکل آرڈیننس 1965 کے سیکشن 39 کے تحت کارروائی کی جائے گی۔

ڈاکٹر طہ روحید نے بتایا کہ فضائی آلودگی مختلف بیماریوں کا باعث بنتی ہے اور اس سے بچاؤ کے لیے سب کو مل کر کام کرنا ہوگا۔

 انہوں نے کہا کہ یکم جنوری سے اب تک دھواں چھوڑتی گاڑیوں کے خلاف 26,301 چالان کیے جا چکے ہیں۔ یہ کریک ڈاؤن سموگ اور فضائی آلودگی کو کم کرنے کی حکومتی کوششوں کا حصہ ہے تاکہ شہر کے باشندوں کو صاف اور صحت مند ماحول فراہم کیا جا سکے۔