کراچی میں شہریوں کو جعلی ٹریفک چالان کے میسیجز کیوں موصول ہورہے ہیں؟ جانیے

کراچی ٹریفک پولیس نے شہریوں کو جعلی چالان میسجز سے متعلق خبردار کرتے ہوئے کہا ہے کہ شہر میں جعلی چالان کے نام پر گمراہ کن ایس ایم ایس بھیجے جا رہے ہیں جن کا کسی سرکاری ادارے سے کوئی تعلق نہیں۔

ٹریفک پولیس نے واضح کیا ہے کہ وہ کبھی بھی پرسنل نمبر سے کوئی ایس ایم ایس نہیں بھیجتی، لہٰذا شہری ایسے مشکوک پیغامات پر یقین نہ کریں۔ ٹریفک پولیس نے شہریوں کو ہدایت کی ہے کہ وہ غیر مصدقہ لنک یا نمبر پر ادائیگی سے اجتناب کریں اور کسی بھی قسم کی شکایت یا معلومات کے لیے ہیلپ لائن نمبر 1915 پر رابطہ کریں۔

 یہ اقدام شہریوں کو فراڈ اور مالی نقصان سے بچانے کے لیے اٹھایا گیا ہے۔ شہریوں سے اپیل کی گئی ہے کہ وہ اس قسم کے جعلی پیغامات کے حوالے سے محتاط رہیں اور ٹریفک پولیس کی طرف سے جاری کردہ آفیشل معلومات پر ہی اعتماد کریں۔