دیر میں پاک فوج کے کامیاب آپریشن کے بعد عوام کا والہانہ استقبال

دیر: خیبرپختونخوا کے علاقہ دیر میں پاک فوج کے کامیاب آپریشن کے بعد عوام نے والہانہ استقبال کیا۔

فتنہ الخوارج کے خلاف کارروائی اور قیام امن کے اقدامات پر عوام نے پاک فوج کو بھرپور خراجِ تحسین پیش کیا۔

عوام نے ایف سی کمانڈنٹ کو پھولوں کے ہار پہنا کر خراجِ عقیدت پیش کیا اور پاک فوج کی قربانیوں اور کاوشوں کو سراہا۔ دیر کی فضا پاک فوج زندہ باد کے فلک شگاف نعروں سے گونج اٹھی۔

علاقہ مکینوں نے عزم ظاہر کیا کہ خوارج کے خاتمے کے لیے وہ پاک فوج کے جوانوں کے شانہ بشانہ کھڑے ہیں۔

عوام نے کہا کہ پاک فوج کی موجودگی سے علاقہ میں امن و امان قائم ہوا ہے جس پر وہ اظہارِ تشکر کرتے ہیں۔

فتنہ الخوارج کے خلاف کامیاب کارروائیوں پر دیر کے عوام نے پاک فوج پر مکمل اعتماد ظاہر کیا۔