کراچی کے مختلف علاقوں میں تیز بارش، موسم خوشگوار ہوگیا

کراچی: شہر قائد میں شدید حبس کے بعد مختلف علاقوں میں کہیں ہلکی کہیں تیز بارش کا سلسلہ شروع ہو چکا ہے۔

جی ٹی وی نیوز کے مطابق کراچی کے علاقے صدر، آئی آئی چندریگر روڈ پر گرج چمک کے ساتھ تیز بارش کا سلسلہ جاری ہے جبکہ لانڈھی، کورنگی ،ڈیفنس، ملیر، ایئرپورٹ کے علاقے میں بارش کا سلسلہ جاری ہے۔

محکمہ موسمیات کے مطابق گلشن، ناظم آباد، لیاقت آباد، گولیمار، گارڈن میں بھی بارش ہو رہی ہے جبکہ شہر کے مختلف علاقوں میں کہیں ہلکی کہیں تیز بارش کا سلسلہ جاری ہے۔