کراچی میں سمندری ہوائیں مکمل بند، حبس میں مزید اضافہ متوقع

 کراچی کا موسم آج بھی انتہائی گرم اور مرطوب رہے گا۔

محکمہ موسمیات کے مطابق شام اور رات کے وقت ہلکی سے درمیانے درجے کی بارش کا امکان ہے، شہر میں اس وقت گرمی کی لہر جاری ہے جبکہ سمندری ہوائیں مکمل طور پر بند رہیں گی۔

محکمہ موسمیات نے بتایا کہ کراچی کا موجودہ درجہ حرارت 27 ڈگری سینٹی گریڈ ریکارڈ کیا گیا ہے جبکہ گرمی کی شدت 33 ڈگری سینٹی گریڈ تک محسوس کی جائے گی، شمال مغرب کی سمت سے 6 کلو میٹر فی گھنٹہ کی رفتار سے ہوائیں چل رہی ہیں۔

محکمہ موسمیات کا مزید کہنا ہے کہ تھرپارکر، عمر کوٹ، بدین، سجاول اور سانگھڑ میں بھی بارش کا امکان ہے، بارش کے اسپیل کے زیر اثر آج کراچی میں گرم اور انتہائی مرطوب دن متوقع ہے۔