"پاکستان کے 25 کروڑ غیور عوام کسی حال میں غاصب اسرائیل کو قبول نہیں کرینگے”

کراچی: علامہ حسن ظفر نقوی نے کہا ہے کہ پاکستان کے 25 کروڑ غیور عوام کسی حال میں غاصب اسرائیل کو قبول نہیں کریں گے۔

مرکزی جنرل سیکرٹری مجلس وحدت مسلمین علامہ حسن ظفر نقوی نے اپنے بیان میں کہا ہے کہ فلسطین کو ٹکڑے ٹکڑے کرکے ختم کرنے کی سازش کبھی کامیاب نہیں ہوسکے گی۔

انہوں نے کہا کہ مسلم حکمران ہوش کے ناخن لیں، فلسطین آخری نشانہ نہیں جبکہ گریٹر اسرائیل کا مطلب مشرق وسطی’ سے اسلامی حکومتوں کا خاتمہ ہے۔

انکا مزید کہنا تھا کہ امریکی صدر ڈونلڈ ٹرمپ کا 20 نکاتی ایجنڈا اسرائیل کے قبضے کو مضبوط اور دائمی بنانے کیلئے ہے، تمام مذہبی اور سیاسی جماعتوں کو پوری قوت سے آواز اٹھانا ہو گی۔

علامہ حسن ظفر نقوی نے بیان میں کہا کہ اسرائیل کے حامیوں کی پاک سر زمین پر کوئی جگہ نہیں ہے۔