خیبرپختونخوا حکومت کے 2 اہم صوبائی وزرا نے استعفیٰ دیدیا

پشاور: خیبر پختونخوا حکومت کے صوبائی وزراء جس میں عاقب اللّٰہ اور فیصل ترکئی نے استعفیٰ دے دیا۔

ذرائع کابینہ کے مطابق وزیراعلیٰ علی امین گنڈاپور کے نام دونوں وزراء نے اپنے استعفے ارسال کردیے ہیں جبکہ عاقب اللّٰہ سابق اسپیکر قومی اسمبلی اور ایم این اے اسد قیصر کے بھائی ہیں جبکہ فیصل ترکئی کے بھائی شاہرام ترکئی بھی رکن قومی اسمبلی ہیں۔

دوسری جانب ترجمان وزیراعلیٰ خیبرپختونخوا فراز مغل نے کہا ہے کہ دونوں صوبائی وزراء عاقب اللّٰہ اور فیصل ترکئی نے خود استعفے دیے ہیں، علی امین گنڈاپور نے اُن سے استعفے طلب نہیں کیے تھے۔

خیال رہے کہ خیبر پختونخوا کابینہ سے استعفیٰ دینے والے دونوں وزراء کا تعلق صوابی سے ہے۔