سکیورٹی فورسز کا ضلع خضدار میں آپریشن، فتنہ الہندوستان کے 4 دہشتگرد گرفتار

راولپنڈی: سکیورٹی فورسز نے بلوچستان کے ضلع خضدار میں خفیہ اطلاع پر آپریشن کیا جس میں 4 اہم دہشتگرد گرفتار کیے گئے۔

پاک فوج کے شعبہ تعلقات عامہ آئی ایس پی آر کے مطابق آپریشن کے دوران بھارتی پراکسی فتنہ الہندستان کے 4دہشتگرد گرفتار کیے گئے جبکہ دہشتگرد خواتین کا روپ بدل کر بھاگنے کی کوشش میں ناکام ثابت ہوئے۔

آئی ایس پی آر نے مزید بتایا کہ گرفتار دہشتگردوں سے اسلحہ و گولہ بارود برآمد ہوا جبکہ دہشتگرد علاقے میں متعدد کارروائیوں میں ملوث رہے ہیں۔

بیان کے مطابق سکیورٹی فورسز نے علاقے میں کلیئرنس آپریشن جاری رکھا ہے جبکہ ملک سے بھارتی سرپرستی میں ہونے والی دہشتگردی کا خاتمہ کیا جائے گا۔