ملازمین کیلئے بڑی خوشخبری؛ 100 فیصد اسپیشل الاؤنس کس کو ملے گا؟ جانیے

پیسک بورڈ کے اجلاس میں ملازمین کو 100 فیصد اسپیشل الاؤنس دینے کا فیصلہ کیا گیا ہے، جس کے بعد پرانے ڈسپیریٹی، مہنگائی اور دیگر الاؤنسز بند کر دیے جائیں گے۔

صوبائی وزیر صنعت چوہدری شافع کی صدارت میں پیسک بورڈ کا اجلاس منعقد ہوا، جس میں ایم ڈی پیسک سائرہ عمر نے آٹھ نکاتی ایجنڈے پر تفصیلی بریفنگ دی۔ اجلاس میں کینسل پلاٹس سے متعلق ایک خصوصی کمیٹی تشکیل دی گئی جو دو ہفتوں میں اپنی سفارشات پیش کرے گی۔

 اس کے علاوہ پیسک اسٹیٹ ڈیولپمنٹ اینڈ مینجمنٹ رولز 2025 کی منظوری دی گئی اور اسمال انڈسٹریل اسٹیٹ 4 گوجرانوالہ میں بجلی فراہمی کے منصوبے کی بھی منظوری ہوئی۔ اجلاس میں اسٹیٹس 2 اور 3 سمڑیال میں منسوخ کیے گئے پلاٹوں کے لیٹرز واپس لینے کا بھی فیصلہ کیا گیا۔

 مزید برآں، پیسک میڈیکل پالیسی 2023 اور انٹرن شپ پروگرام کی منظوری دی گئی جبکہ فنانشل پاورز کے نظریاتی شیڈول میں ترامیم بھی منظور کی گئیں۔ اس کے علاوہ پیسک اور اخوت کے درمیان خود روزگار اسکیم کی حکمت عملی کی منظوری دی گئی، اور اسمال انڈسٹریل اسٹیٹس میں انفرااسٹرکچر کی بہتری کے لیے صفائی، سیکیورٹی اور سڑکوں کی حالت بہتر بنانے کا پروگرام شروع کیا جائے گا۔