سرکاری ملازمین کیلئے بڑی خوشخبری آگئی

وفاقی اسپتالوں کے ملازمین کے ہیلتھ رسک الاؤنس کی بحالی پر اصولی اتفاق کر لیا گیا ہے۔

وفاقی وزیر صحت مصطفیٰ کمال اور وزیر خزانہ کے درمیان ملاقات ہوئی جس میں وفاقی اسپتالوں کے ملازمین کے ہیلتھ رسک الاؤنس کی بحالی پر اصولی اتفاق کر لیا گیا اور ملازمین کے دیرینہ اور جائز مطالبات پر تفصیلی گفتگو کی گئی۔

ترجمان وزارت صحت کے مطابق ہیلتھ رسک الاؤنس کی بحالی کے لیے وزارت خزانہ جلد وزیراعظم کو سمری ارسال کرے گی۔ اس الاؤنس کی حتمی منظوری وزیراعظم کی منظوری سے مشروط ہے، جس کے بعد وفاقی اسپتالوں کے ملازمین کو ایک بار پھر یہ سہولت فراہم کی جائے گی۔