شہرِ قائد میں گرمی کا زور برقرار، شام میں بوندا باندی کا امکان

 کراچی: شہر میں حبس کی کیفیت برقرار ہے اور موسم گرم اور مرطوب ہے۔

محکمہ موسمیات کے مطابق دن کے اوقات میں تیز دھوپ کے ساتھ موسم انتہائی گرم رہنے کا امکان ہے جبکہ شام میں بوندا باندی کا امکان ہے۔

محکمہ موسمیات نے بتایا کہ کراچی کا موجودہ درجہ حرارت 28 ڈگری سینٹی گریڈ ہے تاہم گرمی کی شدت 32 ڈگری سینٹی گریڈ محسوس کی جارہی ہے۔

محکمہ موسمیات نے کہا کہ ہوا میں نمی کا تناسب 78 فیصد ریکارڈ کیا گیا ہے اور اس وقت شمالی سمت سے ہلکی رفتار سے ہوائیں چل رہی ہیں۔

محکمہ موسمیات کا مزید کہنا ہے کہ شہر کا زیادہ سے زیادہ درجہ حرارت 37 ڈگری سینٹی گریڈ تک پہنچ سکتا ہے۔