لسبیلہ اوتھل میں مسافر کوچ اور ٹرک میں خوفناک تصادم، 6 افراد جاں بحق جبکہ 17 زخمی

لسبیلہ: تحصیل اوتھل کے زیرو پوائنٹ کے قریب مسافر کوچ اور ٹرک میں ٹکر کے نتیجے میں 6 افراد جان کی بازی ہار گئے۔

ایس ایس پی لسبیلہ کے مطابق حادثے میں خواتین اور بچوں سمیت 17 مسافر زخمی ہوئے جنہیں فوری طور پر لاشوں کے ساتھ قریبی اسپتال منتقل کر دیا گیا۔

پولیس کا کہنا ہے کہ مسافر کوچ پنجگور سے کراچی جارہی تھی، حادثے کے باعث قومی شاہراہ پر ٹریفک متاثر ہوا تاہم امدادی کارروائیاں جاری ہیں۔