حکومت اور جوائنٹ ایکشن کمیٹی کے درمیان مذاکرات کا پہلا دور مکمل ہوگیا

آزاد کشمیر میں عوامی احتجاج کے بعد حکومت اور جوائنٹ ایکشن کمیٹی کے درمیان مذاکرات کا پہلا دور کامیابی سے مکمل ہو گیا۔

وفد کی قیادت راجا پرویز اشرف نے کی، دوسری جانب جوائنٹ کمیٹی کی نمائندگی شوکت نواز میر، امجد علی اور انجم زمان اعوان نے کی۔

کمیٹی نے مزید مشاورت کے لیے وقت مانگا، جبکہ مذاکرات کا اگلا دور کل متوقع ہے۔ مذاکرات میں جمہوری عمل کے فروغ اور مسائل کے پرامن حل پر زور دیا گیا۔

احتجاجی مظاہروں کے دوران اب تک 3 پولیس اہلکاروں سمیت 6 افراد جاں بحق اور 72 اہلکار زخمی ہو چکے ہیں۔

وفاقی وزرا نے مذاکرات کو مثبت قرار دیتے ہوئے کہا کہ عوام کے جائز مطالبات پورے کیے جائیں گے۔ رہ نما ن لیگ رانا ثناء اللہ نے کہا کہ تشدد سے مسائل حل نہیں ہوتے، جبکہ احسن اقبال نے شرپسند عناصر کو امن کے لیے خطرہ قرار دیا۔