امریکی صدر کا حماس کو معاہدہ قبول کرنے کیلیے اتوار کی شام تک کا الٹی میٹم

امریکی صدر ٹرمپ نے غزہ کے معاملے کو حتمی نتیجے تک پہنچانے کا فیصزلہ کرلیا۔ اس مرتبہ ٹرنہ نے حماس کو غزہ جنگ بندی معاہدہ قبول کرنے کے لیے اتوار تک کی ڈیڈ لائن جاری کی ہے۔

ٹرمپ کا کہنا تھا کہ حماس کے پاس معاہدے کے لیے آخری موقع ہے اس معاہدے پر دیگر ممالک بھی دستخط کرچکے ہیں۔

امریکی صدر نے حماس کو دھمکی دی کہ حماس معاہدہ نہیں کرسکی تو اس کو سخت نتائج بھگتنے پڑیں گے، معاہدے کے نتیجے میں حماس کے افراد کی بھی جان بچ جائے گی۔

ٹرمپ نے فلسطینیوں کو بھی خبردار کیا کہ بےگناہ فلسطینی غزہ شہر کو خالی کر کے محفوظ مقامات پر منتقل ہوجائیں۔

خیال رہےکہ رواں ہفتے امریکی صدر نے اسرائیلی وزیراعظم کے ساتھ پریس کانفرنس کرتے ہوئے 20 نکاتی غزہ امن معاہدے کا اعلان کیا تھا اور کہا کہ اس پر تمام مسلم اور عرب ملکوں نے اتفاق کیا ہے۔