خضدار میں آپریشن؛ فتنہ الہندوستان کے 14دہشت گرد ہلاک

سیکیورٹی ذرائع کا کہنا ہے کہ خضدار میں آپریشن کے دوران فتنہ الہندوستان کے 14 دہشت گرد ہلاک ہو گئے۔

سیکیورٹی ذرائع کے مطابق سیکیورٹی فورسز نے خضدار زہری میں پرامن لوگوں کو ہراساں کرنے کی کوشش ناکام بنا دی، آپریشن میں فتنہ الہندوستان کے 14 دہشت گرد ہلاک جبکہ 20 سے زائد دہشت گرد زخمی ہو گئے۔

سیکیورٹی ذرائع کا کہنا ہے کہ سیکیورٹی فورسز نے دہشت گردوں کے متعدد ٹھکانوں کو تباہ کردیا، عوام نے سیکیورٹی فورسز کے کامیاب آپریشن کو سراہا، خوشی کا اظہار کیا اور پاک فوج کے حق میں نعرے لگائے۔

سیکیورٹی فورسز عوام کے تحفظ اور فتنہ الہندوستان کے دہشت گردوں کے خاتمے کیلئے ہمہ وقت تیارہے، سیکیورٹی فورسز عوام کے تعاون سے فتنہ الہندوستان کے دہشت گردوں کا قلع قمع کریں گے۔