کراچی میں دودھ 300 روپے فی لیٹر ہونے کا خدشہ

ڈیری فارمرز ایسوسی ایشن کے مطابق حالیہ سیلاب نے ڈیری سیکٹر کو شدید نقصان پہنچایا ہے، جس کے باعث دودھ کی پیداواری لاگت میں 30 فیصد اضافہ ہوچکا ہے۔ فارمرز کا کہنا ہے کہ وہ روزانہ تقریباً 3 ارب روپے کا نقصان برداشت کر رہے ہیں۔

دوسری جانب کراچی کے شہری اس ممکنہ اضافے سے شدید پریشان ہیں۔ ان کا کہنا ہے کہ “اگر دودھ 300 روپے لیٹر ہوگیا تو بچوں کو دودھ کی جگہ پانی پلانا پڑے گا۔”

ایسوسی ایشن نے خبردار کیا ہے کہ اگر حکومت نے ان کے مطالبات منظور نہ کیے تو وہ وزیراعلیٰ ہاؤس کے باہر احتجاج کریں گے اور دودھ کی قیمت 220 روپے سے بڑھا کر 300 روپے فی لیٹر کر دیں گے۔