سرکاری ملازمین متوجہ؛ پنشن سے متعلق اہم خبر آگئی

سندھ کابینہ نے بلاول بھٹو زرداری کی ہدایت پر صوبے کے سرکاری ملازمین کی پنشن اور بقایا جات سے متعلق کٹوتیوں اور ادائیگیوں میں تبدیلیوں کا نوٹیفکیشن معطل کر دیا ہے۔

چیف سیکرٹری کی سربراہی میں ایک کمیٹی قائم کی گئی ہے جو بینوولنٹ فنڈ سے متعلق ملازمین کی شراکت، ادائیگی کے فارمولے، فوائد کے ڈھانچے اور ممکنہ قانونی ترامیم پر تفصیلی سفارشات تیار کرے گی۔

سندھ امپلائز الائنس نے اس سے قبل مطالبہ کیا تھا کہ بینوولنٹ فنڈ کی ادائیگی بلوچستان حکومت کی طرح ریٹائرمنٹ کے وقت کی جائے اور اس کے فوائد صرف وفات یا معذوری تک محدود نہ رکھے جائیں۔