اسرائیلی فورسز نے سابق سینیٹر مشتاق احمد کو رہا کردیا

اسرائیلی فورسز نے پاکستان کے سابق سینیٹر اور جماعتِ اسلامی کے رہنما مشتاق احمد خان کو رہا کردیا۔

تفصیلات کے مطابق نائب وزیرِ اعظم اسحاق ڈار نے سماجی رابطے کی ویب سائٹ ایکس پر ان کی رہائی کی تصدیق کرتے ہوئے بتایا کہ مشتاق احمد اس وقت اردن میں پاکستانی سفارت خانے میں موجود ہیں۔

I am pleased to confirm that former Senator Mushtaq has been released and is now safely with Pakistan Embassy in Amman. He is in good health and high spirits. The Embassy stands ready to facilitate his return to Pakistan, in accordance with his wishes and convenience.
Am pleased… pic.twitter.com/IbZQKvzWyb

— Ishaq Dar (@MIshaqDar50) October 7, 2025

انہوں نے کہا کہ سابق سینیٹر کی صحت تسلی بخش ہے اور ان کا حوصلہ بلند ہے۔

ان کا کہنا تھا کہ حکومتِ پاکستان نے رہائی کے لیے سفارتی سطح پر بھرپور کوششیں کیں اور مشتاق احمد کی محفوظ واپسی کو یقینی بنایا۔

اسحاق ڈار نے دفتر خارجہ کی معاونت کرنے پر دوست ممالک کا شکریہ بھی ادا کیا۔

مشتاق احمد کا بیان

سابق سینیٹر مشتاق احمد نے اپنے جاری کردہ ویڈیو بیان میں نے بتایا کہ وہ 6 دن اسرائیل کی بدنام زمانہ جیل میں قید رہے۔

انہوں نے کہا کہ دوران حراست انہیں شدید تشدد کا نشانہ بنایا گیا، ہاتھوں میں ہتھکڑیاں اور پیروں میں زنجیریں ڈالی گئیں، اور پینے کے پانی اور ادویات تک رسائی نہیں دی گئی۔

مشتاق احمد نے 3 دن بھوک ہڑتال بھی کی، ان کا کہنا تھا کہ غزہ کی ناکہ بندی کو توڑنے کے لیے وہ بار بار جائیں گے۔