ڈیرہ اسماعیل خان میں سکیورٹی فورسز کا آپریشن، 7 خوارج جہنم واصل، میجر سبطین شہید

آئی ایس پی آر کا کہنا ہے کہ سکیورٹی فورسز کی جانب سے ڈی آئی خان میں کیے گئے انٹیلی جنس بیسڈ آپریشن کے دوران 7 بھارتی اسپانسرڈ خوارج ہلاک ہو گئے۔

پاک فوج کے شعبہ تعلقات عامہ ( آئی ایس پی آر ) کے مطابق سکیورٹی فورسز نے ڈی آئی خان کے علاقے درابن میں انٹیلی جنس بیسڈ آپریشن کیا جس دوران 7 بھارتی اسپانسرڈ خوارج ہلاک ہو گئے۔

آئی ایس پی آر کا کہنا ہے کہ آپریشن بھارتی پراکسی فتنہ الخوارج کی موجودگی کی اطلاع پر کیا گیا، فائرنگ کے تبادلے میں میجر سبطین حیدر شہید ہو گئے، شہید میجر سبطین حیدر کا تعلق کوئٹہ سے تھا، میجر سبطین حیدر نے بہادری سے دستے کی قیادت کرتے ہوئے جام شہادت نوش کیا۔

  ہلاک خوارج دہشت گردی کی متعدد کارروائیوں میں ملوث تھے، مارے گئے خوارج سے اسلحہ اور گولہ بارود بھی بر آمد ہوا، ہلاک دہشت گرد بے گناہ شہریوں کے قتل میں بھی ملوث تھے۔

آئی ایس پی آر کا کہنا ہے کہ علاقے میں ممکنہ خوارجیوں کے خاتمے کیلئے کلیئرنس آپریشن جاری ہے، سکیورٹی فورسز بھارتی حمایت یافتہ دہشت گردوں کے خاتمے کیلئے پر عزم ہیں، وطن کے بہادر سپوتوں کی قربانیاں ہمارے عزم کو مزید تقویت دیتی ہیں۔