مسلح جتھے راستے میں توڑ پھوڑ اور املاک کو نقصان پہنچارہے ہیں، ڈی آئی جی آپریشنز لاہور

ڈی آئی جی آپریشنز لاہور محمد فیصل کامران نے کہا ہے کہ مسلح جتھے را ستے میں توڑ پھوڑ اور املاک کو نقصان پہنچارہے ہیں، ریاست پاکستان اور شہریوں کے مفاد کے لیے پولیس کام کرتی رہے گی۔

انھوں نے کہا کہ بات چیت کے یے ہر وقت حاضر ہیں، پرتشدد احتجاج کی اجازت نہیں دیں گے ایک مذہبی جماعت لاہور میں پرتشدد احتجاج کررہی ہے ملک جب بھی ترقی کرتاہے پرتشدد گروہ سڑکوں پر آجاتاہے۔

محمدفیصل کامران نے کہا کہ مذہبی جماعت سے بات چیت کی کوشش کی ہم نے کسی بھی موقع پربات چیت کے دروازے بند نہیں کیے۔

تشددکے واقعات کے حوالے سے انھوں نے بتایا کہ لاہور پولیس کے112جوان زخمی ہوئے جو مختلف اسپتالوں میں زیر علاج ہیں کئی پولیس اہلکار ابھی تک لاپتا ہیں۔