بھارت کے بیانات سے لگتا ہے کہ وہ دوبارہ کوئی ایڈونچر کرے گا، وزیردفاع

وزیر دفاع خواجہ آصف نے بیان دیتے ہوئے کہا ہے کہ بھارت کے بیانات اس بات کی شہادت ہیں کہ وہ دوبارہ کوئی ایڈونچر کرسکتا ہے، بھارت آپریشن بنیان مرصوص میں نے جو ذلت اٹھائی اور اپنی کھوئی عزت بحال کرنےکیلئے یہ اقدام کرے گا۔

نجی ٹی وی سے گفت گو میں ان کا کہنا تھا کہ افغانستان سے تعلقات بگاڑ کی طرف جارہے ہیں پہلے بھی ٹھیک نہیں تھے۔

انہوں بتایا کہ کہ افغانستان پاکستان میں دہشت گردی ایکسپورٹ کر رہا ہے، اس فضا میں تعلقات میں مزید بگاڑ پیدا ہوگا جو ہماری خواہش نہیں، اچھے ہمسائےکی طرح تعلقات ہونے چاہییں جو وقار کی بات ہوگی۔

خواجہ آصف نے کہا کہ پاکستان کے جن علاقوں میں دہشت گردپناہ لیتے ہیں مکینوں کو علم ہوتا ہے، محلےمیں اگر کوئی باہر سے آئے  تو مجھےتیسرے دن ضرور علم ہو جائے گا۔

اگر ان علاقوں کے لوگ خاموش رہیں گے تو یہ نیم رضامندی ثابت ہوگی، پاکستان کے محب وطن شہری کا نقصان نہیں ہونےدیں گے۔

خواجہ آصف کا کہنا تھاکہ  بھارت نےجو ذلت اٹھائی اوراپنی کھوئی عزت بحال کرنےکیلئے یہ اقدام کرے گا لیکن بھارت کو پہلےسے زیادہ منہ توڑ جواب دیا جائے گا۔

انہوں نے کہا کہ بھارت کوجو خوش فہمی یا غلط فہمی تھی وہ نکال دی گئی ہے۔