پشاور میں متنی پولیس اسٹیشن پر دہشتگردوں کا حملہ ناکام، پولیس کی جوابی کارروائی میں 2 دہشتگرد ہلاک

پشاور: متنی پولیس اسٹیشن پر دہشت گردوں کا حملہ ناکام بنا دیا گیا۔

تفصیلات کے مطابق پولیس کی بروقت جوابی کارروائی میں دو دہشت گرد ہلاک جبکہ دو زخمی ہوگئے، حملہ آوروں نے رات گئے پولیس اسٹیشن پر فائرنگ کی کوشش کی۔

پولیس نے بتایا کہ ہلاک دہشت گردوں کے دو ساتھی موقع سے فرار ہونے میں کامیاب ہوگئے، جن کی تلاش کے لیے علاقے میں سرچ آپریشن جاری ہے۔

پولیس نے حملے کی نوعیت اور دہشت گردوں کی شناخت سے متعلق تحقیقات شروع کر دی ہیں، جبکہ علاقے میں سیکیورٹی مزید سخت کر دی گئی ہے۔