نائب وزیراعظم اسحاق ڈار کا پاک افغان سرحدی صورت حال پر گہری تشویش کااظہار

نائب وزیر اعظم اسحاق ڈار نے پاک افغان سرحد پر جاری کشیدگی پر گہری تشیوش کااظہار کیاہے۔

نائب وزیراعظم اسحاق ڈار کا کہناتھا کہ طالبان نے پاک افغان سرحد پر بلااشتعال فائرنگ کی۔ پاکستان کاجواب افغانستان سے فتنہ الہند کے دہشت گردوں کو بے اثر کرنے کیلئے ہے۔

انھوں نے کہا کہ پاکستان اپنے ردعمل میں افغان شہریوں کی جان بچانے کیلئے احتیاط کررہا ہے، پاکستان اپنی خودمختاری اوردفاع کے لیے ہر ممکن اقدام کرے گا۔

اسحاق ڈار کا کہنا تھا کہ امید ہے طالبان حکومت دہشت گردوں کے خلاف ٹھوس اقدامات کرے گی، دہشت گرد عناصر پاک افغان تعلقات کوخراب کرنا چاہتے ہیں۔