حکومتی وفد کی مولانا فضل الرحمان کی رہائشگاہ آمد، کے پی کی صورتحال پر گفتگو

اسلام آباد: مولانا فضل الرحمان سے مسلم لیگ ن کے رہنماؤں کی ملاقات ہوئی جس میں وفاقی وزیراحسن اقبال، امیرمقام، اعظم نذیرتارڑ شریک تھے۔

 جی ٹی وی نیوز کے مطابق ملاقات میں خیبرپختونخوا کی سیاسی صورتحال پر تبادلہ خیال کیا گیا جبکہ کے پی اسمبلی میں وزیراعلیٰ کا انتخاب غیرآئینی قرار دے دیا۔

ملاقات میں اتفاق ہوا کہ وزیراعلیٰ کا انتخاب غیرآئینی عمل ہے جسے قبول نہیں کیاجاسکتا، اپوزیشن جماعتیں وزیراعلیٰ کے انتخاب کا عمل مسترد کرتی ہیں۔

ترجمان جمعیت علمائے اسلام نے کہا کہ عدالت سے توقع ہے متنازع پارلیمانی عمل کا حصہ نہیں بنے گی۔