وزیراعظم نے ایف بی آر کے گریڈ 20 کے افسر کو ملازمت سے برطرف کردیا

اسلام آباد: وزیراعظم شہباز شریف نے فیڈرل بورڈ آف ریونیو (ایف بی آر) کے گریڈ 20 کے افسر رانا وقار علی کو نااہلی، مس کنڈکٹ اور کرپشن کے الزامات ثابت ہونے پر ملازمت سے برطرف کرنے کی منظوری دے دی۔

تفصیلات کے مطابق وزیراعظم کی منظوری کے بعد ایف بی آر حکام نے رانا وقار علی کی برطرفی کا باضابطہ نوٹیفکیشن جاری کر دیا ہے۔

ذرائع نے بتایا کہ رانا وقار علی کے خلاف کارروائی شفاف انکوائری عمل کے تحت کی گئی، جس میں ان کے خلاف لگائے گئے الزامات کو درست قرار دیا گیا۔

تاہم برطرف افسر کو اپیل کا حق حاصل ہے، رانا وقار علی اپنے خلاف فیصلے کے خلاف اپیلیٹ اتھارٹی میں 30 روز کے اندر اپیل دائر کر سکتے ہیں۔