سربراہ پاک بحریہ ایڈمرل نوید اشرف کا دورہ امریکا، اعلیٰ بحری اور سول قیادت سے ملاقاتیں
WebDesk
17 اکتوبر, 2025 10:00
سربراہ پاک بحریہ ایڈمرل نوید اشرف کا امریکا کا دورہ،اعلیٰ بحری اور سول قیادت سے ملاقاتیں
چیف آف دی نیول اسٹاف ایڈمرل نوید اشرف نے امریکا کا سرکاری دورہ کیا، جہاں انہوں نے اعلیٰ امریکی بحری اور سول قیادت سے اہم ملاقاتیں کیں۔
ترجمان پاک بحریہ کے مطابق نیول چیف نے اپنے دورے کے دوران امریکی ڈپٹی چیف آف دی نیول اسٹاف (آپریشنز) اور کوسٹ گارڈ کے وائس کمانڈنٹ سے الگ الگ ملاقاتیں کیں، جن میں باہمی دلچسپی کے امور، علاقائی سلامتی، پیشہ ورانہ تربیت اور میری ٹائم تعاون پر تفصیلی تبادلہ خیال کیا گیا۔
ایڈمرل نوید اشرف نے امریکا کی نیشنل ڈیفنس یونیورسٹی کا بھی دورہ کیا اور یونیورسٹی کے صدر وائس ایڈمرل پیٹر اے گارون سے ملاقات کی، اس موقع پر پاک بحریہ اور امریکی دفاعی اداروں کے درمیان تربیتی تعاون کو مزید مضبوط بنانے پر بھی بات چیت ہوئی۔
نیول چیف نے اپنے دورے کے دوران امریکی محکمہ خارجہ کا بھی دورہ کیا، جہاں ان کی ملاقات سیاسی و عسکری امور کے ڈپٹی اسسٹنٹ سیکریٹری سٹینلے ایل براؤن سے ہوئی۔
ایڈمرل نوید اشرف نے امریکی اسکالرز اور تھنک ٹینک کے ماہرین سے خطاب کرتے ہوئے علاقائی میری ٹائم سیکیورٹی چیلنجز اور مشترکہ میری ٹائم کوششوں میں پاکستان نیوی کے کردار پر روشنی ڈالی۔
ترجمان کے مطابق ایڈمرل نوید اشرف کا یہ دورہ پاکستان اور امریکہ کے درمیان میری ٹائم سیکیورٹی اور دفاعی تعاون کو مزید فروغ دینے میں اہم سنگ میل ثابت ہوگا۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
بیروزگاروں کیلئے بڑی خوشخبری؛ نوکریاں ہی نوکریاں!!! جانیں اپلائی کرنے کا مکمل طریقہ
30-نومبر،2025
