افغان عبوری حکومت کی دوبارہ درخواست، پاکستان نے جنگ بندی میں مزید توسیع کردی

WebDesk

17 اکتوبر, 2025 19:21

افغان عبوری حکومت کی دوبارہ درخواست، پاکستان نے جنگ بندی میں مزید توسیع کردی

Pakistan extends ceasefire further after Afghan interim government requests again

پاکستان نے افغان عبوری حکومت کی درخواست پر جنگ بندی میں توسیع کردی۔

سفارتی ذرائع کے مطابق جنگ بندی میں توسیع دوحہ مذکرات کے اختتام تک کی گئی ہے۔ 48 گھنٹے کی عارضی جنگ بندی آج شام 6 بجے ختم ہوگئی تھی۔

سفارتی ذرائع کے مطابق افغان طالبان رجیم نے پاکستان سے جنگ بندی میں توسیع کی درخواست کی تھی۔

ذرائع کے مطابق افغان طالبان رجیم نے پاکستان سے جنگ بندی میں توسیع کی درخواست قطر کے ذریعے کی۔

اس سے قبل پاکستان نے قندھار اور کابل میں ٹارگٹڈ کارروائیاں کیں، فتنہ الخوارج کے مرکز اور قیادت کو نشانہ بنایا جس کے بعد افغان طالبان نے سیز فائر کی درخواست کی۔