کراچی میں پانی کی سپلائی کب بحال ہوگی؟ شہریوں کیلئے اہم خبر آگئی
WebDesk
17 اکتوبر, 2025 13:55
When will the water supply be restored in Karachi? Important news for the citizens has arrived
کراچی میں پانی کی پائپ لائنوں کی مرمت مکمل ہونے کے باوجود پانی کی فراہمی ابھی تک بحال نہیں ہو سکی۔
واٹر کارپوریشن کا کہنا ہے کہ نارتھ ایسٹ پمپنگ اسٹیشن کے دو مقامات اور دھابیجی میں پائپ لائن کی مرمت رات ایک بجے مکمل کر لی گئی تھی، لیکن اس کے باوجود 12 گھنٹے گزرنے کے بعد بھی متاثرہ علاقوں میں پانی کی سپلائی شروع نہیں ہو سکی۔
شہر کے مختلف علاقوں جیسے گلستانِ جوہر، گلشنِ اقبال، صفورا، لیاقت آباد، نارتھ ناظم آباد، ناظم آباد، گلبرگ اور فیڈرل بی ایریا میں پانی کی بندش پانچویں روز بھی برقرار ہے۔ اس سے شہریوں کو شدید مشکلات کا سامنا ہے اور روزمرہ کے کام متاثر ہو رہے ہیں۔
واٹر کارپوریشن کا کہنا ہے کہ نیپا، صفورا اور سخی حسن میں تین ہائیڈرنٹس پر پانی کی فراہمی بحال کر دی گئی ہے تاکہ شہری عارضی طور پر ٹینکرز کے ذریعے پانی حاصل کر سکیں۔
ترجمان واٹر کارپوریشن کا کہنا ہے کہ مرمتی کام مکمل ہونے کے بعد پانی کی فراہمی کے نظام کو تدریجاً بحال کیا جا رہا ہے۔ امید ہے کہ دوپہر 3 بجے تک متاثرہ علاقوں میں پانی کی سپلائی شروع ہو جائے گی۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
بیروزگاروں کیلئے بڑی خوشخبری؛ نوکریاں ہی نوکریاں!!! جانیں اپلائی کرنے کا مکمل طریقہ
30-نومبر،2025
