شرجیل میمن کا بیٹا راول شرجیل سندہ میمن اتحاد کا کو چیئرمین منتخب
راہوکی: سندھ کے صوبائی وزیر شرجیل میمن کے صاحبزادے راول شرجیل میمن کو سندھ میمن اتحاد کا کو چیئرمین منتخب کر لیا گیا۔
تفصیلات کے مطابق راول ہاؤس میں منعقد اجلاس میں سندہ میمن اتحاد کے مرکزی باڈی، سی ای سی باڈی، سندھ کونسل کے اراکین، وِنگز چیف آرگنائزر، ڈویژن باڈی، ضلعی صدور، ضلعی جنرل سیکریٹریز اور سینئر نائب صدور نے متفقہ طور پر راول شرجیل میمن کو سندھ میمن اتحاد کا کو چیئرمین منتخب کیا گیا۔
اجلاس کے دوران زاہد میمن کے اغوا کے واقعے سمیت سندھ میمن اتحاد سے متعلق دیگر اہم مسائل پر تفصیلی غور کیا گیا۔
راول شرجیل میمن نے کہا کہ تمام مسائل کے حل کے لیے فوری اور مؤثر اقدامات کیے جائیں گے، تاکہ میمن برادری کے اتحاد اور امن و انصاف کے فروغ کو یقینی بنایا جا سکے۔
انہوں نے مزید کہا کہ میمن اتحاد کے پلیٹ فارم سے عوامی خدمت اور نوجوانوں کی ترقی کے لیے عملی اقدامات جاری رکھے جائیں گے۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.









