افغان طالبان اور فتنہ الخوارج کا گٹھ جوڑ بے نقاب، گرفتار خودکش بمبار کے ہوش ربا انکشافات

افغان طالبان اور فتنہ الخوارج کا گٹھ جوڑ بے نقاب ہوگیا گرفتار خودکش بمبار کے ہوش ربا انکشافات سامنے آگئے۔

سیکیورٹی حکام کے مطابق جنوبی وزیرستان سے گرفتار خود کش بمبار کی شناخت نعمت اللہ ولد موسیٰ جان کے نام سے ہوئی گرفتار خود کش بمبار افغانستان کے صوبے کندھار کا رہائشی ہے

خودکش بمبار نے اعترافی بیان میں کہا کہ مدرسے میں موجود کچھ لوگوں نے اسے کہا کہ پاکستانی فوج کے خلاف جہاد جائز ہے ہم 40 لوگ خوست میں اکٹھے ہوئے اور براستہ چیوار پاکستان میں داخل ہو ئے  پھر لالے ژے کے علاقے بروند(جنوبی وزیرستان) گئے جہاں طالبان کامرکز تھا ہمارا کمانڈر عمر حماس تھا جو خودکش حملوں کی تربیت دیتا تھا۔

گرفتار دہشت گرد کے مطابق خودکش حملے کی تربیت 3ماہ تھی جبکہ اس نے ایک ہفتے تربیت لی  تربیت میں ہمیں سکھایا گیا کہ گاڑی پر خود کش حملہ کیسے کرنا ہے یہ بھی تربیت دی گئی کہ چیک پوسٹ پر  اورفوج پر کیسے خود کش حملہ کرنا ہے ہمارے گروپ میں 20 نوجوان شامل تھے جن کی عمریں  18، 20 اور 22سال کے درمیان تھیں۔

گرفتار خودکش بمبار کے مطابق اس نے تربیت کے دوران وہاں اذان کی آواز سنی مجھے احساس ہوا کہ پاکستانی فوج  بھی مسلمان ہے اس پر خودکش حملہ کرنا حرام ہے۔

گرفتار خود کش بمبار کے انکشافات اس بات کا ثبوت ہیں کہ افغان طالبان کم عمر نوجوانوں کی ذہن سازی کر رہے ہیں مذہبی ذہن سازی کے ذریعے ان کم عمر نوجوانوں کو افواج پاکستان کے خلاف دہشتگردانہ سر گرمیوں پر اُکسایا جاتا ہے۔