کراچی سے چھینی گئی کروڑوں مالیت کی گاڑی 15 سال بعد اسلام آباد سے برآمد
WebDesk
20 اکتوبر, 2025 10:30
کراچی سے چھینی گئی کروڑوں مالیت کی گاڑی 15 سال بعد اسلام آباد سے برآمد
اسلام آباد کے تھانہ کھنہ پولیس نے ایس ایچ او عامر حیات کی سربراہی میں کامیاب کارروائی کرتے ہوئے وہ پرتعیش پراڈو ایس یو وی برآمد کرلی جو 2010 میں کراچی کے علاقے درخشاں سے گن پوائنٹ پر چھینی گئی تھی۔
پولیس کے مطابق گاڑی کی مالیت تقریباً ایک کروڑ روپے ہے اور اسے جعلی رجسٹریشن نمبر CG-333 ICT کے تحت اسلام آباد میں استعمال کیا جا رہا تھا۔
خفیہ اطلاع پر کارروائی کے دوران مشتبہ گاڑی کو روکا گیا، تفتیش میں تصدیق ہوئی کہ یہ وہی گاڑی ہے جو 27 مارچ 2010 کو کراچی سے چھینی گئی تھی، گاڑی میں موجود شخص سکندر کو حراست میں لے کر مقدمہ درج کیا گیا جبکہ برآمد شدہ گاڑی اصل مالک کے حوالے کر دی گئی۔
ایس ایس پی اے وی ایل سی امجد شیخ کے مطابق کارروائی دو ماہ قبل اگست میں عمل میں لائی گئی تھی، گاڑی کا اصل رجسٹریشن نمبر BD-950 ہے۔
پولیس ذرائع کا کہنا ہے کہ یہ طویل عرصے بعد حاصل ہونے والی ایک بڑی کامیابی ہے جس سے پرانی چوری شدہ گاڑیوں کے ریکارڈ کھلنے اور بین الصوبائی گاڑی چور گروہوں کے انکشاف کی توقع ہے۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
بیروزگاروں کیلئے بڑی خوشخبری؛ نوکریاں ہی نوکریاں!!! جانیں اپلائی کرنے کا مکمل طریقہ
30-نومبر،2025
