وفاقی وزیر داخلہ سے گورنر خیبرپختونخوا کی ملاقات، صوبے میں فتنہ الخوارج کے خلاف جاری آپریشنز پر تبادلہ خیال
WebDesk
20 اکتوبر, 2025 09:10
وفاقی وزیر داخلہ سے گورنر خیبرپختونخوا کی ملاقات، صوبے میں فتنہ الخوارج کے خلاف جاری آپریشنز پر تبادلہ خیال
لاہور: وفاقی وزیر داخلہ محسن نقوی سے گورنر خیبرپختونخوا فیصل کریم کنڈی نے ملاقات کی، ملاقات میں امن و امان کی صورتحال اور دہشت گردی کے واقعات پر تفصیلی تبادلہ خیال کیا گیا۔
ملاقات کے دوران صوبے کے مختلف اضلاع میں فتنہ الخوارج کے خلاف جاری آپریشنز پر بھی گفتگو ہوئی، دونوں رہنماؤں نے امن کے قیام کے لیے سیکیورٹی فورسز کی کامیاب کارروائیوں پر خراجِ تحسین پیش کیا۔
وزیر داخلہ محسن نقوی نے پولیس ٹریننگ سینٹر اور نادرا آفس ڈیرہ اسماعیل خان پر حملوں میں شہید ہونے والوں کو خراجِ عقیدت پیش کیا۔
ان کا کہنا تھا کہ فتنہ الہندوستان کے دہشت گرد پاکستان کی یکجہتی اور امن کے دشمن ہیں۔
انہوں نے واضح کیا کہ درندہ صفت عناصر کے خلاف آپریشنز جاری رہیں گے اور پاکستان کی سرزمین سے فتنہ الہندوستان کا خاتمہ کرکے دم لیں گے۔
محسن نقوی کا کہنا تھا کہ وفاقی حکومت صوبے میں امن و امان کے لیے بھرپور تعاون فراہم کر رہی ہے۔
وزیر داخلہ نے مزید کہا کہ بھارتی حمایت یافتہ دہشت گردوں کے مذموم عزائم کبھی کامیاب نہیں ہوں گے۔
اس موقع پر گورنر خیبرپختونخوا فیصل کریم کنڈی نے کہا کہ خیبرپختونخوا کے عوام امن کے داعی ہیں اور صوبے کی ترقی و خوشحالی کے لیے قیامِ امن ناگزیر ہے۔
ان کا کہنا تھا کہ دہشت گردوں کے خلاف انٹیلی جنس بیسڈ آپریشنز وقت کی ضرورت ہیں۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
بیروزگاروں کیلئے بڑی خوشخبری؛ نوکریاں ہی نوکریاں!!! جانیں اپلائی کرنے کا مکمل طریقہ
30-نومبر،2025
