موٹرسائیکل مالکان خبردار؛ حکومت کا اہم اعلان
WebDesk
20 اکتوبر, 2025 15:14
Motorcycle owners beware; important announcement from the government
پنجاب حکومت نے فضائی آلودگی کو روکنے کے لیے موٹر سائیکل سواروں کے لیے ماسک پہننا لازمی قرار دے دیا ہے۔
پنجاب حکومت کی سینئر وزیر مریم اورنگزیب نے کہا کہ دہلی، چندی گڑھ، گرداسپور، لدھیانہ اور پٹیالہ سے آنے والی ہوائیں لاہور کی فضاء میں آلودگی بڑھا رہی ہیں۔ اس کے علاوہ ملتان، بہاولپور اور بہاولنگر کے علاقے بھی بھارت سے آنے والی فضائی آلودگی سے متاثر ہو رہے ہیں۔
وزیر نے کہا کہ تعمیراتی جگہوں پر حفاظتی اقدامات کو سختی سے یقینی بنایا جائے گا اور سامان ڈھک کر لانے والی گاڑیوں کی بھی کڑی نگرانی کی جائے گی تاکہ فضائی آلودگی کو کم کیا جا سکے۔ انہوں نے شہریوں سے درخواست کی ہے کہ موٹر سائیکل پر سفر کے دوران ماسک پہنیں، گاڑیوں کے شیشے بند رکھیں اور گھروں کے دروازے اور کھڑکیاں زیادہ دیر تک نہ کھلی رہنے دیں۔
مریم اورنگزیب نے کہا کہ دوپہر ایک سے پانچ بجے کے درمیان ہوا کی حالت میں معمولی بہتری متوقع ہے۔ اس دوران آسمان صاف رہے گا لیکن ہلکی دھند ہوگی۔ انہوں نے کہا کہ لاہور سمیت دیگر شہروں میں پانی کے چھڑکاؤ اور اینٹی اسموگ گنز کا استعمال جاری ہے تاکہ فضائی آلودگی کو کم کیا جا سکے۔
سینئر وزیر نے کہا کہ آلودگی سے بچاؤ کے لیے ہر شہری کا کردار بہت اہم ہے۔ ان کا کہنا تھا کہ ہر فرد کی کوشش ہی فضائی آلودگی میں کمی اور ماحول کی بہتری کا باعث بن سکتی ہے۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
بیروزگاروں کیلئے بڑی خوشخبری؛ نوکریاں ہی نوکریاں!!! جانیں اپلائی کرنے کا مکمل طریقہ
30-نومبر،2025
