صدرِ مملکت آصف علی زرداری کی جانب سے ہندو برادری کو دیوالی کی مبارکباد
WebDesk
20 اکتوبر, 2025 08:05
پاکستان کا آئین مذہبی آزادی اور بنیادی حقوق کی مکمل ضمانت دیتا ہے، صدرِ مملکت
اسلام آباد: صدرِ مملکت آصف علی زرداری نے ہندو برادری کو دیوالی کی مبارکباد دی۔
تفصیلات کے مطابق آصف زرداری نے دیوالی کے موقع پر اپنے جاری کردہ پیغام میں کہا کہ دیوالی اندھیرے میں روشنی اور بدی پر نیکی کے غلبے کی علامت ہے۔ یہ تہوار امن، رواداری، ہمدردی اور ہم آہنگی جیسی آفاقی اقدار کی یاد دہانی کراتا ہے۔
انہوں نے کہا کہ آئینِ پاکستان تمام شہریوں کو مساوی حقوق اور مکمل مذہبی آزادی کی ضمانت دیتا ہے، ہمیں ایسا معاشرہ قائم رکھنا ہے جہاں تمام مذاہب کے لوگ عزت و احترام کے ساتھ رہ سکیں۔
ان کا کہنا تھا کہ قائداعظم محمد علی جناح نے ایسے پاکستان کا تصور پیش کیا تھا جہاں اقلیتوں کو مساوی حقوق حاصل ہوں۔
آصف زرداری نے کہا کہ ہندو برادری پاکستان کے سماجی، ثقافتی اور معاشی ڈھانچے کا اہم حصہ ہے. تعلیم، تجارت اور عوامی خدمت کے شعبوں میں ہندو برادری کی خدمات قابلِ تحسین ہیں۔
صدر مملکت کا کہنا تھا کہ دیوالی ہمیں رواداری، اتحاد اور پُرامن بقائے باہمی کے عزم کو تازہ کرنے کی ترغیب دیتی ہے۔
انہوں نے پاکستان اور بیرونِ ملک مقیم ہندو برادری کے لیے خوشی، امن اور خوشحالی کی دعا بھی کی۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
بیروزگاروں کیلئے بڑی خوشخبری؛ نوکریاں ہی نوکریاں!!! جانیں اپلائی کرنے کا مکمل طریقہ
30-نومبر،2025
