پاکستان کی عسکری و سفارتی حکمت عملی کا امریکی نشریاتی ادارہ بھی معترف

پاکستان کی عسکری و سفارتی حکمت عملی کا امریکی نشریاتی ادارہ بھی معترف ہوگیا۔

امریکی نشریاتی ادارے سی این این کے مطابق پاکستان کی مثبت حکومتی اسور عسکری سفارت کاری نے عالمی سطح پر ملک کا وقار بلند کر دیا۔

سی این این کی رپورٹ کے مطابق پہلگام فالس فلیگ کی آڑ میں بھارت کی پاکستان کو عالمی سطح پر تنہا کرنے کی کوشش ناکام ہوگئی۔

عالمی نشریاتی ادارے سی این این نے بھی پاک امریکا قریبی اور اسٹریٹجک تعلقات کا اعتراف کرلیا۔

سی این این پر جاری تجزیاتی رپورٹ میں تجزیہ کار فرید ذکریہ کا کہنا تھا کہ امریکی صدر ٹرمپ نے امریکا اور بھارت کے درمیان پالیسی کا رخ اچانک بدل دیا۔

پہلے دور حکومت میں بھارتی وزیراعظم کے قریب سمجھنے والے ٹرمپ اب فیلڈ مارشل سید عاصم منیر کے گرویدہ ہیں، سی این این کے مطابق مصر کانفرنس میں ٹرمپ نے فیلڈ مارشل عاصم منیر کو اپنا "پسندیدہ فیلڈ مارشل” قرار دیاتھا۔

امریکا اور پاکستان کے درمیان معاشی تعاون بھی بڑھ رہا ہے، سی این این

عالمی نشریاتی ادارے کے مطابق جولائی میں امریکا اور پاکستان نے ٹیرف معاہدہ کیا اور پاکستانی تیل کے ذخائر پر مشترکا تعاون کا اعلان ہوا امریکا نے یہ محسوس کرلیا کہ پاکستان ایک موثر عسکری شراکت دار ہے۔ اسی عسکری صلاحیت نے سعودی عرب کو بھی متاثر کیا جس نے حال ہی میں پاکستان کے ساتھ دفاعی معاہدہ کیا۔

رپورٹ کے مطابق پاکستان کی سفارتی اور عسکری کامیابی نے پاکستان کی عالمی شناخت مستحکم کردی ہے۔