خاتون یا نقاب میں چھپا مرد؟ پشاور میں موبائل چھیننے کی ویڈیو وائرل

WebDesk

20 اکتوبر, 2025 14:30

پشاور: موٹرسائیکل پر سوار برقعہ پوش مبینہ خاتون کی موبائل چھیننے کی سی سی ٹی وی فوٹیج سوشل میڈیا پر وائرل ہوگئی۔

فوٹیج میں دیکھا جا سکتا ہے کہ برقعہ پوش مبینہ خاتون طالب علم سے موبائل فون چھین رہی ہے، جبکہ ایک مرد اس کے ساتھ موٹرسائیکل پر موجود ہے۔

ویڈیو میں طالب علم کو ملزمان کا تعاقب کرتے ہوئے بھی دیکھا گیا، تاہم دونوں موٹرسائیکل پر موقع سے فرار ہوگئے۔

ایس ایس پی آپریشنز کے مطابق معاملے کی تحقیقات کی جا رہی ہیں تاکہ یہ معلوم کیا جا سکے کہ واردات میں واقعی خاتون ملوث ہے یا کسی مرد نے برقعہ پہن کر واردات کی۔