حکومت کا سونے کی درآمد و برآمد پر پابندی ختم کرنے کا فیصلہ

WebDesk

21 اکتوبر, 2025 07:43

حکومت کا سونے کی درآمد و برآمد پر پابندی ختم کرنے کا فیصلہ

حکومت کا سونے کی برآمدات اور درآمدات پر پابندی ختم کرنے کا فیصلہ

اسلام آباد: حکومت نے سونے کی درآمد و برآمد پر پابندی ختم کرنے کا فیصلہ کرلیا ہے۔

ذرائع کے مطابق سونے کی تجارت پر پابندی ہٹانے کے لیے سمری اقتصادی رابطہ کمیٹی (ای سی سی) کو ارسال کی جائے گی۔

ذرائع نے بتایا کہ رواں سال مئی میں سونے کی امپورٹ اور ایکسپورٹ پر پابندی اس وقت عائد کی گئی تھی جب سونے کی اسمگلنگ سے متعلق شکایات موصول ہوئیں، تاہم حالیہ مہینوں میں اسمگلنگ کی کوئی نئی شکایت سامنے نہیں آئی۔

ذرائع کا کہنا ہے کہ معطل شدہ ایس آر او کی بحالی میں مسلسل تاخیر کے باعث زیورات کی برآمدات مکمل طور پر بند ہوچکی ہیں، جس سے برآمد کنندگان شدید مالی بحران کا شکار ہیں۔