نام نہاد بلوچ نیشنل موومنٹ کا برطانیہ میں بے بنیاد پروپیگنڈا بے نقاب

بھارتی خفیہ ایجنسی “را” کی ایماء پر نام نہاد بلوچ نیشنل موومنٹ (بی این ایم) کے بیرون ملک احتجاج کی حقیقت آشکار ہوگئی۔

ذرائع کے مطابق بلوچستان کے علاقے زہری کے حوالے سے حقائق کے برعکس پروپیگنڈا کر کے عوام کو گمراہ کرنے کی ناکام کوشش کی گئی، خاتون صحافی کے سوالات پر مظاہرین زہری کے موجودہ حالات سے لاعلم پائے گئے۔

رپورٹ کے مطابق مظاہرے میں شریک افراد خاتون صحافی کے سوالات پر جواب دینے سے کتراتے رہے۔

خاتون صحافی نے انکشاف کیا کہ مظاہرین اور غیر مقامی باشندوں کو اس مظاہرے کے لیے غیر ملکی لابیز کے ذریعے کرائے پر خریدا گیا۔

خاتون صحافی کے مطابق مظاہرین نے جن افراد اور بچوں کی تصویریں اٹھا رکھی تھیں، انھیں اُن کے نام تک معلوم نہیں تھے، مظاہرین نے اعتراف کیا کہ وہ بلوچستان کے بارے میں کچھ نہیں جانتے، حتیٰ کہ وہ کبھی وہاں گئے ہی نہیں۔

یہ مظاہرہ جھوٹے نعروں، مصنوعی جذبات اور پروپیگنڈا پر مشتمل تھا۔ درحقیقت بلوچستان کے علاقے زہری میں “فتنہ الہندوستان” کے دہشتگردوں کے حوالے سے عوامی شکایات موصول ہو رہی تھیں۔

ابتدائی طور پر بعض حلقوں نے سوشل میڈیا پر جعلی تصاویر اور سیکیورٹی فورسز کے حوالے سے گمراہ کن دعوے پھیلائے، جو “فتنہ الہندوستان” کے مسنگ پرسن اور احساس محرومی جیسے پروپیگنڈا کا تسلسل تھا۔

مقامی آبادی کی مدد سے سیکیورٹی فورسز نے زہری کو دہشتگرد عناصر سے پاک کر کے مکینوں کو امن و تحفظ فراہم کیا۔

آج زہری، بلوچستان کی سڑکیں کھلی ہیں، بازار آباد ہیں اور بچے بلا خوف و خطر اسکول جا رہے ہیں۔ بلوچ عوام اور ریاست کے درمیان اعتماد اور تعاون کے باعث علاقے میں پُرامن اور خوشحال ماحول اس پروپیگنڈا کی نفی کرتا ہے۔