اتوار، 30-نومبر،2025
اتوار 1447/06/09هـ (30-11-2025م)

میر علی میں فتنہ الخوارج کی درندگی کی مثال، بھتا نہ دینے پر 6 افراد کو جلا ڈالا

22 اکتوبر, 2025 21:23

شمالی وزیرستان میں فتنہ الخوارج نے سفاکیت کی انتہا کر دی، بھتا نہ دینے پر ایک گاڑی میں موجود 6 افراد کو پٹرول چھڑک کر آگ لگا دی۔

سیکیورٹی ذرائع کے مطابق اندوہ ناک واقعہ وزیرستان کے علاقے میر علی میں پیش آیا، واقعے میں گاڑی میں سوار تمام افراد زندہ جل گئے۔

اطلاع ملتے ہی فوراً مقامی پولیس اور امدادی ٹیمیں موقع پر پہنچیں اور لاشوں کو تحویل میں لے کر قریبی اسپتال منتقل کردیا۔

عینی شاہدین کا کہنا ہے کہ حملہ انتہائی سفاکانہ انداز میں کیا گیا اور شعلے دور تک دکھائی دیے، جس سے علاقے کے رہائشی شدید خوفزدہ ہوگئے۔

مقامی لوگوں نے اس”فتنہ الخوارج“ کی درندگی قرار دیتے ہوئے حکومت اور سیکیورٹی اداروں سے فوری مداخلت کا مطالبہ کیا ہے۔ دوسری جانب سیکیورٹی فورسز نے واقعے کے بعد علاقے کو گھیرے میں لے کر سرچ آپریشن شروع کر دیا۔

Catch all the پاکستان News, Breaking News Event and Trending News Updates on GTV News


Join Our Whatsapp Channel GTV Whatsapp Official Channel to get the Daily News Update & Follow us on Google News.

اوپر تک سکرول کریں۔