ملازمین کیلئے تنخواہوں کے حوالے سے بڑی خبر آگئی
WebDesk
22 اکتوبر, 2025 10:46
Big news has come regarding the salaries of employees
اسلام آباد ہائی کورٹ نے نیا پاکستان ہاؤسنگ اینڈ ڈویلپمنٹ اتھارٹی کے ملازمین کی برطرفی کے خلاف کیس کی سماعت کرتے ہوئے اہم فیصلے سنا دیے ہیں۔
عدالت نے نیا پاکستان ہاؤسنگ اتھارٹی کے حکام کو فوری طور پر ملازمین کی تنخواہیں بحال کرنے کا حکم دیا۔ اس کے ساتھ ہی عدالت نے ملازمین کی برطرفی کے احکامات کی قانونی حیثیت پر سوالات بھی اٹھا دیے۔
سماعت کے دوران درخواست گزار کے وکیل محمد رمضان خان ایڈووکیٹ نے عدالت کو بتایا کہ تمام ملازمین گزشتہ پانچ برسوں سے سینکشن شدہ آسامیوں پر خدمات انجام دے رہے ہیں۔ وکیل کا کہنا تھا کہ قائم مقام چیئرمین نے سروس رولز کی خلاف ورزی کرتے ہوئے ان ملازمین کو بغیر کسی سماعت کے برطرف کیا۔ وکیل نے کہا کہ کابینہ ڈویژن کی جانب سے جمع کرائے گئے جواب میں بھی یہ بات واضح کی گئی کہ برطرفی کے عمل میں اس کا کوئی کردار نہیں تھا۔
عدالت نے اتھارٹی کے وکیل سے استفسار کیا کہ ملازمین کی تنخواہیں کیوں روکی گئیں؟ اس سوال کے بعد سماعت ملتوی کر دی گئی۔ عدالت نے اتھارٹی حکام کو ہدایت کی کہ پالیسی بورڈ کے ادارے کو ختم کرنے کے حوالے سے جو فیصلہ کیا گیا ہے، وہ عدالت میں جمع کرایا جائے۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
سائنس و ٹیکنالوجی
ہوشیار خبردار؛ گوگل کروم استعمال کرنے والوں کیلئے خطرے کی گھنٹی بج گئی
24-اکتوبر،2025
