پاکستان نے معاشی محاذ پر نمایاں کامیابیاں حاصل کیں، وزیر خزانہ
WebDesk
22 اکتوبر, 2025 08:39
پاکستان نے معاشی محاذ پر نمایاں کامیابیاں حاصل کیں، وزیر خزانہ
اسلام آباد: وفاقی وزیر خزانہ محمد اورنگزیب نے کہا ہے کہ پاکستان کی معیشت بحالی کی جانب گامزن ہے، معاشی استحکام، افراطِ زر میں کمی اور زرمبادلہ کے ذخائر میں بہتری اس کی واضح علامتیں ہیں۔
چینی میڈیا کو انٹرویو میں وزیر خزانہ نے بتایا کہ مہنگائی کی شرح سنگل ڈیجٹ تک آچکی ہے جبکہ پالیسی ریٹ میں کمی اور زرِمبادلہ کے ذخائر میں اضافہ ملکی معیشت کے استحکام کی عکاسی کرتے ہیں، موجودہ ذخائر ڈھائی ماہ کی درآمدات کے لیے کافی ہیں۔
انہوں نے کہا کہ پاکستان کی معاشی کارکردگی کو بین الاقوامی سطح پر بھی سراہا گیا ہے اور تین بڑی عالمی ریٹنگ ایجنسیز نے ملکی کریڈٹ ریٹنگ میں بہتری کی ہے۔
ان کا کہنا تھا کہ گزشتہ مالی سال میں جی ڈی پی 3 فیصد بڑھا جبکہ رواں مالی سال کے لیے 4 فیصد سے زائد ترقی کا ہدف رکھا گیا ہے،تاہم انہوں نے خبردار کیا کہ اگر سیلاب کی صورتحال پیدا ہوئی تو اس ہدف پر اثر پڑ سکتا ہے۔
محمد اورنگزیب نے کہا کہ حکومت 3.5 فیصد شرحِ نمو حاصل کرنے کے لیے پرامید ہے۔
وفاقی وزیر خزانہ کا کہنا تھا کہ چین پاکستان اقتصادی راہداری (CPEC) کے دوسرے مرحلے میں نمایاں پیشرفت ہوئی ہے، حال ہی میں بیجنگ میں 24 مشترکہ منصوبوں پر دستخط کیے گئے ہیں، جبکہ نئی سرمایہ کاری کے مواقع بھی زیرِ غور ہیں۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
بلٹ پروف گاڑیوں کا مطالبہ؛ کے پی پولیس کو دی گئی بلٹ پروف گاڑیوں کی اندرونی کہانی
22-اکتوبر،2025
پاکستان
عالمی ذرائع ابلاغ میں پاکستانی موقف کی تائید، جنگ بندی کا دارومدار افغانستان پر ہوگا
22-اکتوبر،2025
