افغانستان کیساتھ مذاکرات سے معاملات طے نہیں ہوئے تو ہماری کھلی جنگ ہے، وزیر دفاع
WebDesk
25 اکتوبر, 2025 18:23
وزیر دفاع خواجہ آصف نے برطانیہ کیلئے فلائٹ آپریشن بحالی کا افتتاح کردیا
اسلام آباد:وزیر دفاع خواجہ آصف نے کہا کہ اگر افغان طالبان کےساتھ مذاکرات سے معاملات طے نہیں پاتو تو پھر ہماری افغانستان کے ساتھ کھلی جنگ ہے۔
خواجہ آصف نے سیالکوٹ میں میڈیا نمائندوں سے گفتگو کرتے ہوئے کہا کہ ہماری افواج اور پولیس اپنی جانوں کی قربانیاں دے رہے ہیں، ہم اور آپ اس لیے چین سے سوتے ہیں کہ آپ کے محافظ جاگ رہے ہوتے ہیں۔
ان کا کہنا تھا ہم نے 40 سال تک افغانوں کی مہمان نوازی کی، دوحہ میں جن سے بات کر رہے تھے وہ سارے پاکستان میں جوان ہوئے، سمجھ نہیں آتا کہ اتنی مہمان نوازی کے باوجود افغانستان کا ہمارے ساتھ ایسا رویہ کیوں ہے، افغانستان ہمارے خلاف بھارت کی پراکسی کے طور پر کام کر رہا ہے۔
خواجہ آصف کا کہنا تھا افغان مہاجرین نے روزگار اور کاروبار پر قبضہ کیا ہوا ہے، ہمارا صرف ایک ایجنڈا ہونا چاہیے کہ ہم اخوت کے ساتھ ہمسائے کے ساتھ رہیں، پچھلے 4، 5 روز سے کوئی واقعہ رونما نہیں ہوا، اگر مذاکرات سے معاملات طے نہیں پاتے تو پھر افغانستان کیساتھ ہماری کھلی جنگ ہے۔
پاکستان اور افغانستان کے درمیان دوحہ میں ہونے والے مذاکرات میں سیز فائر ہوئی تھی اور دونوں ممالک کے درمیان ایک دوسرے کی سرحدوں کے احترام کی بات طے پائی تھی۔
خیال رہے کہ پاکستان اور افغانستان کے درمیان ترکیہ میں مذاکرات کا دوسرا دور جاری ہے، جس میں قطر میں ہونے والے مذاکرات میں طے پانے والے نکات پر عمل درآمد کا جائزہ لیا جا رہا ہے۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
24 اکتوبر 1947 — آزاد جموں و کشمیر کے قیام کا دن، ایمان، قربانی اور عزم کی لازوال داستان
25-اکتوبر،2025
