اتوار، 30-نومبر،2025
اتوار 1447/06/09هـ (30-11-2025م)

ملک بھرمیں گھریلو گیس صارفین کے لیے اچھی خبر، نئے کنیکشنز بحال

26 اکتوبر, 2025 15:36

گھریلو گیس صارفین کے لیے اچھی خبر آگئی، وزیراعظم نے ملک بھر میں گیس کنیکشنز کھولنے کا اعلان کردیا۔

اسلام آباد میں آر ایل این جی گیس کنکشنز کے اجرا کی تقریب سے خطاب میں ان کا کہنا تھا حکومت نے ملک بھر میں گھریلو صارفین کے لیے گیس کنیکشنز کھولنے کا فیصلہ کیا ہے۔

انھوں نے کہا کہ 2022 میں پی ڈی ایم حکومت کے دوران گیس کی فراہمی ایک بڑا چیلنج تھا، عوام کا یہ اہم مطالبہ تھا کہ گیس کنیکشنز کا اجرا کیا جائے لیکن اس وقت گیس دستیاب نہیں تھی اس لیے اب یہ فیصلہ کیا گیا ہے۔

وزیر اعظم نے بتایا کہ نئے گیس کنیکشنز کے لیے لاکھوں درخواستیں موصول ہوچکی ہیں اس سے پہلے 2013 میں لوڈشیڈنگ کا دورانیہ 20 گھنٹے سے زائد تھا۔

مسلم لیگ ن کی حکومت نے ملک سے اندھیروں کے خاتمے کیلئے خصوصی اقدامات کیے ہم نے محنت کرکے ملک کو ترقی کی راہ پر گامزن کردیا ہے۔

Catch all the پاکستان News, Breaking News Event and Trending News Updates on GTV News


Join Our Whatsapp Channel GTV Whatsapp Official Channel to get the Daily News Update & Follow us on Google News.

اوپر تک سکرول کریں۔