کراچی سمیت ملک بھر میں ایم ڈی کیٹ 2025 کا انعقاد
WebDesk
26 اکتوبر, 2025 09:40
کراچی سمیت ملک بھر میں ایم ڈی کیٹ 2025 کا انعقاد
ملک بھر میں آج ایم ڈی کیٹ 2025 کا امتحان منعقد کیا جا رہا ہے، جس میں 1 لاکھ 40 ہزار 125 امیدوار شرکت کررہے ہیں۔
تفصیلات کے مطابق ملک بھر میں 35 امتحانی مراکز قائم کیے گئے ہیں، جبکہ بین الاقوامی سطح پر ایک مرکز ریاض (سعودی عرب) میں قائم کیا گیا ہے۔
اسلام آباد میں امتحان کے لیے دو سینٹرز قائم کیے گئے ہیں، ایک شہید ذوالفقار علی بھٹو میڈیکل یونیورسٹی (پمز) اور دوسرا بحریہ یونیورسٹی میں۔
امتحان یونیورسٹیوں کے ذریعے منعقد کیا جا رہا ہے، جبکہ پاکستان میڈیکل اینڈ ڈینٹل کونسل (پی ایم اینڈ ڈی سی) براہِ راست منتظم نہیں، پی ایم اینڈ ڈی سی نے تمام یونیورسٹیوں کو نیشنل آئٹم بینک تک رسائی فراہم کی ہے تاکہ سوالیہ پرچے معیار کے مطابق تیار کیے جا سکیں۔
امتحان لینے والی یونیورسٹیوں کو ہدایت کی گئی ہے کہ وہ پیپر سیٹنگ، ڈیولپمنٹ اور پرنٹنگ کے دوران پی ایم اینڈ ڈی سی کے معیار پر سختی سے عمل کریں، جبکہ نصاب سے باہر سوالات کو خارج کرنے کے لیے پرچوں کا پری ہاک تجزیہ لازمی قرار دیا گیا ہے۔
سیکیورٹی اور رازداری کو یقینی بنانے کے لیے سوالیہ پرچے صرف سرکاری گواہوں کی موجودگی میں کھولے جائیں گے۔
امتحان کے لیے ایڈمٹ کارڈز امتحان سے سات روز قبل جاری کیے گئے تھے، جبکہ نتائج ایک ہفتے کے اندر جاری کیے جائیں گے۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
بیروزگاروں کیلئے بڑی خوشخبری؛ نوکریاں ہی نوکریاں!!! جانیں اپلائی کرنے کا مکمل طریقہ
30-نومبر،2025
